Nanortalimmi akileraarut qaffattariaqassanerarpaa

Kujataani kommuneqatigiilersussat akileraarutip angissusissaa isumaqatigiissutigisinnaanngilaat. Nanortallip borgmesteriata Kristine Raahauge ullup qeqqanut radioaviisimi oqaatigaa Kujataata kommunerujussuassaani akileraarut Nanortalimmisut appasitsigisariaqartoq.

Kujataatali kommunerujussuassaani suleqatissaa Qaqortup borgmesteria Simon Simonsen allatut isumaqarpoq. Simon Simonsen oqarpoq allatut ajornartumik ajorluartumillu kommunit kattuppata akileraarutitigut nalimmassaasoqartariaqartoq, nalimmassaanerli sullissinermik pitsaasumik taarserneqassappat ajunngilluinnassasoq.

Taanna isumaqarnerarpoq procentimik ataatsimik qaffaaneq pitsaasumik sullinneqarnermik taarserneqarpat ajunngilluinnartumik kinguneqaannassasoq.

Kristine Raahauge ilaatigut oqarpoq akileraarut appasissumi inissisimatiinnarneqarpat taava inuit illoqarfimmut kajungernerulernerannik kinguneqarsinnaasoq.

- Taamaassinnaavoq, kisianni taannaannaannginnami isumaga malillugu inuit sulisinnaasut pitsaasut illoqarfimmut illoqarfimmut kajungilersinneqassappata pisariaqarluinnarpoq innuttaasut tamaasa eqqarsaatigalugit pitsaasumik kommunep iluani atugassaqartitsinissaq, Simon Simonsen nangipporlu: Inuit pitsaasumik sullinneqarnerat anguneqassappat tamanna aatsaat pisinnaavoq akileraarutit qaffaavigeqqaarlugit.