Politikki

ASSIT Nanoq kappusimasoq uissuummisitsisoq

Nanoq ruujorimut uuliap aqqutaanut kappusimasoq Københavnimi Christiansborg Slotspladsimi takuneqarsinnaavoq. Jens Galsschiøtsip silap pissusianut tunngatillugu eqqumiitsuliaa Folketingip isaarioaata saavani saqqummersinneqarpoq.

Allattoq Camilla Dam

apriilip 20-at 2016 09:25

Nutserisoq Marie-Kathrine Barlaj Lyberth

Eqqumiitsuliaq 7x12 meterinik takitigisoq, silap pissusia pillugu ataatsimeersuarnermut COP21-mut atatillugu Parisimi siorna decembarimili saqqummersinneqartoq, partiip Alternativetip saqqummersitarivaa. Ukioq 0-imit 2015-ip tungaanut CO2-mik aniatitsinerup qanoq annertutigineranik nunarsuarmi aalajangiisartunut takussutissatut suliaavoq.

- 2007-mit 2015-imut kisitsisit nutartertussanngorakkit tupaallappunga. Nunarsuarmioqatigiimmi CO2-mik aniatittagaasa tamarmiusup tallimararterutaa ukiut arfineq-pingasut ingerlaneriinnaanni aniatissimavarput - uffa massa nunarsuarmi aningaasarsiornikkut ilungersunartorsiorneq annertooq piffissami tassani pigaluartoq, eqqumiitsuliortoq nittartakkamut klimadebat.dk-mut oqarpoq.

Nanoq kanngussamik sanaajusoq kappusimasorlu Københavnimi tallimanngormalli saqqummersinneqarpoq.

[View the story "Spiddet isbjørn vækker opsigt i København" on Storify]

ASSIT Nanoq kappusimasoq uissuummisitsisoq

Aamma atuaruk