Nanoq Qeqertarsuatsiaat eqqaanni takuneqaqqippoq

Qeqertarsuatsiaat eqqaanni eqalunniat asimiittullu allat nanoqarneranik taamaammat mianersoqquneqarput. Naalakkersuisut nittartagaanni tamanna atuarneqarsinnaavoq.

AAMMA ATUARUK Nanoq Qeqertarsuatsiaat eqqaanni siumorneqartoq

- Inuit susassaqanngitsut nanoq qanilleqqusaanngilaat. Aalisarnermut Piniarnermullu Naaalakkersuisoqarfiup nunaqarfiup piniarnermik nakkutilliisua attaveqaqatigivaa, KANUAANA-lu politiillu ilisimatinneqarnikuullutik, Naalakkersuisut nittartagaanni tamanna atuarneqarsinnaavoq.

Nannunik takunnikkaanni, piniarnermut nakkutilliisoq erngerluni attavigineqassaaq, Aalisarnermullu Naalakkersuisoqarfimmi pigaartup oqarasuaataa Nuummiluunniit politiit attavigineqassallutik.

Aalisarnermut Piniarnermullu Naalakkersuisoqarfik oqarasuaatikkut ammasarfiit avataatigut attavigineqarsinnaavoq, pigaartullu normua tassaavoq 48 25 20.

Nunatta Kitaani nannut eqqissisimatitaagallartut Naalakkersuisoqarfiup nalunaarutigaa, Sisimiunit Paamiut ilanngullugit nannuttassiissutit tamakkerneqareermata.

AAMMA ATUARUK Isbjørnekvoten for Sydgrønland er opbrugt