Nannut Qaanaap eqqaani takuneqarsimapput

Nannut pingasut Qaanaap ungasinngigisaanittut Qaanaami politiit nalunaarutigaat, innuttaasullu mianersoqquneqarput.
Assi © : Kerstin Pfeifer/KNR
Allattoq Mads Lynge
novembarip 29-at 2015 12:34

Nannut pingasut Qaanaap eqqaani takuneqarsimasut Qaanaami politiit nalunaarutigaat.

Nannut nerisassarsiorniarlutik Qaanaap illoqarfittaaniissimassagunartut politiit nalunaarutigaat, illoqarfimmullu uteqqissinnaanissaat politiit aarleqqutigaat. Nannut pingasut takuneqartut tassaasimassagunarput arnaviaq piaraasalu marluk.

Qaanaami innuttaasut mianersoqquneqarput, nannumillu takusaqartoqarpat politiinut piaarnerpaamik sianertoqartarnissaa kajumissaarutigineqarpoq. Qaanaami politiit normoraat 70 14 28.