Assi: POLAR

Nangeqattaartuliaq POLAR takuteqqaarneqalersoq

Nittartakkatigut nangeqattaartuliamut POLAR-imut piareersaatitut suliaq, filmiliornermik ilinniartup Aka Hansenip suleqataaffigisaa, pingasunngornermi unnukkut nalunaaqutaq 19.00 takuteqqaarneqassaaq.

Nangeqattaartuliamut piareersaatitut suliarineqartoq minutsinillu 35-nik sivisussuseqartoq Hans Lyngep Inersuaani takutinneqassaaq tamanullu akeqanngitsumik takutinneqassalluni. Takutinneqareerpat isiginnaartitsisartunut filmiliortunullu apeqquteqartoqarsinnaavoq, tamannalu pereerpat perusuttut Manhattanimi unnuap qeqqata tungaanut fiisteqataasinnaapput.
 
Pingaarnertut inuttaasoq Ivik Amisuna Berthelsenimit inuttaaffigineqarpoq, taannalu atuagassiap Soundvenuep POLAR-imik naliliinerani ullorissanit arfinilinnit tallimanik naliliiffigineqarnerani nersualaarneqarpilussuuvoq.

AAMMA ATUARUK Filmi siumut takorluukkersaarut immiunneqarpoq

Nangeqattaartuliap takuteqqaarnerani suleqatigiit Super16 najuutissapput, tassaasut manuskriptiliortoq Morten Mortensen, ilitsersuisut Natalia Ciepiel aamma Alexander Ohrt, kiisalu producerit Maria Møller aamma Aka Hansen.
 
Aamma isiginnaartitsisartut ukioq manna maajip qaammataani immiussinernut peqataasut najuutissapput.
 
- Nittartakkatigut nangeqattaartuliamut Polarimut piareersaatitut suliatta naammassinera isiginnaartitsisartullu peqataasut pikkorissut nallittorsiutigissavagut. Isiginnaarianit qanoq qisuariarfigineqassanersoq, Nuuk ilisarisinnaassaneraat inuusuttullu oqaluttuarineqarnerat qanoq igissaneraat soorunami pissangassutigaarput, produceri Aka Hansen tusagassiorfinnut nalunaarummi taama oqarpoq.

AAMMA ATUARUK Filminik suliaqarfiup kalaallit nangeqattaartuliaat taperseraa

AAMMA ATUARUK Filmiliassartik aningaasassarsiuukkaat

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!