Danmarkimi Savalimmiuni Kalaallilt Nunaannilu naalakkersuisut siulitttasui Christiansømi ataatsimiinnerminni, ammassassuit mamarineqaqisut misilippaat

Løkke: Namminersulivinnissaq takujuminaatsippara

Kalaallit Nunaat ukiut amerlavallaanngitsut qaangiuppata namminersulivinnissaa piviusorsiortuunngilaq. Taama oqarpoq ministeriuneq Lars Løkke Rasmussen naalagaaffeqatigiit pingasunngornermi ataatsimiinnerani.

Aviisi Politiken  taama allaaserisarpoq.

Kalaallit Nunaata aningaasaqarnikkut inissisimanera ministerinerup erseqqissaatigaa,tassalu
danskit naalagaaffiata ataatsimoortumik tapiissutigisartai  ukiumut 3,7 millioniusut pinngitsoorneqarsinnaannginnerat.

AAMMA ATUARUK Naalagaaffeqatigiinneq pillugu ataatsimiittoqalertoq

- Kalaallit Nunaanni en kooruni atorneqaraangat taassuma affaa tassalu 50 øre Danmarkip naalagaaffiata tapiissutaanit pissarsiaavoq.

- Namminersulivinnissap qanittumi pinissaa takujuminaatsippara.
Tamannalu uanga aalajangersinnaanngilara, ministeriuneq taama oqarpoq.

Ministeriunerup Lars Løkke Rasmussenip ilanngullugu erseqqissaatigaa Issittumi illersornissaqarfimmut kiisalu danskit naalagaaffiata Kalaallit Nunaanni oqartussaaffigisaannut Danmark 100 millionilikkaannik aningaasaliisarmat.

AAMMA ATUARUK Danmarkip akisussaaffimmik tigusinera nuannaarutigaara

Naalakkersuisut Siulittaasuata naalagaaffeqatigiit ataatsimiinneranni innersuussutigivaa, Kalaallit Nunaata aningaasaqarnera  siumut ingerlammat, aalisarneq takornariaqarnerlu iluaqutigalugit.  Ministeriunerup Lars Løkke Rasmussenip oqaaserisaanut Naalakkersuisut Siulittaasuat akissuteqarusussimanngilaq, aviisi Politiken taama allaaserisaqarpoq.

 

  

  

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!