Namminersortunut nuunneqarnissaa isumaqatigaa

Great Greenland-ip namminersortunngorsarneqarnissaanik KNAPK-p siunnersuutaa aalisarnermut piniarnermullu naalakkersuisumit isumaqatigineqarpoq. KNAPK-mit isumaqarfigineqarpoq amminut tapiissutit akinut pissusiviusunut killiliisuusut, taamaammallu Great Greenland namminersortunngorsarneqartariaqartoq.

- Piniartut pissutinut ajorluinnartunut akuersaarsinnaajunnaarput, piumasaqaatinullu aalajangiisooqataalerusupput. Great Greenlandimut piginneqataalerunik tamanna anguneqarsinnaavoq, KNAPK-imi siulittaasoq Leif Fontaine oqarpoq.

- Naalakkersuisut aalajangiunniukuuaat Great Greenlandimut tapiissutaasartut ikilisikkiartorneqarnissaat, taamaammat namminersortunngorsarneqarnissaa anguniarneqarsinnaavoq, Rasmus Frederiksen oqarpoq.

Kikkut piginnittunngussanersut piffissap takutikkumaaraa naalakkersuisoq ilanngullugu oqarpoq.

KNAPK-p siulittaasuata Leif Fontaine-p tunitsivimmik pilersitsinissaq eqqarsaatiginngilaa, Namminersornerullutik Oqartussat unammillerneqarsinaanngimmata.