Namminersorlutik Oqartussat suliffeqarfimmut unnerluussut ajorsarfigigaat
Suliffeqarfik The Greenland Company 2010-mi akiisinnaajunnaarmat tamanna peqquserlunnerunngilaq. Tamanna Eqqartuussisuuneqarfiup Vestrep ataasinngornermi aalajangerpaa.
Nauja Lyngep Ulrik Merrildillu suliffeqarfik, The Greenland Company 2009-mi aallartippaat. Suliffeqarfiup kalaallit eqalussuarneersunik nioqqutissaataanik Asiamut tunisaqartarnissaq siunertaraa.
Suliniut Namminersorlutik Oqartussanik inuussutissarsiutinut tapiissuteqarfigineqarpoq.
Suliniulli iluatsinngilaq, tassami Kinamut nioqqutissanik eqqussiniarneq naatsorsuutigisamit ajornarnerungaatsiarpoq.
AAMMA ATUARUK The Greenland Company eqqartuussivilersuunneqarmini pinngitsuutinneqartoq
The Greenland Company tamatuma kingorna akiliisinnaajunnaartutut nalunaaruteqarpoq, Namminersorlutillu Oqartussat tamanna inuussutissarsiutinut tapiissutinik atornerluinerunerarlugu unnerluutigaat.
Nauja Lyngep Ulrik Merrildillu ullumikkut illoqarfigisaani eqqartuussiviup, tassa Aarhusip Eqqartuussiviata unnerluussut 2016-imi itigartitsissutigaa. Danmarkimi eqqartuussisuuneqarfiup Vestrep eqqartuussut taanna ullumikkut eqqortuunerarpaat. Namminersorlutillu Oqartussat eqqartuussivimmi suliamut akiliisussanngortinneqarput.
AAMMA ATUARUK Skind fra Grønlandshaj på vej til haoute couture i Paris
AAMMA ATUARUK Greenland Company eqalussuarniarnissamut piareerpoq