Namminersorlutik Oqartussat NunaMineralsimut aningaasarpassuarnik annaasaqartoq

NunaMineralsi akiliisiunnaajunnaaqqammersoq, Namminersorlutik Oqartussat inuussutissarsiornermut ineriartortitsinermut suliffeqarfiutaannit, Greenland Holdingimit 4,5 milliuunit koruuninik aningaasaliiffigineqarsimavoq.

Direktør for Greenland Holding A/S og Greenland Venture A/S

Allattoq Thomas Munk Veirum, Bikki P. Kleist

juulip 03-at 2016 06:00

Taamatullu pisoqarnera, Greenland Holdingimi, pisortaanermit, Karsten Høyimit tupaallaatigineqanngilaq.
Nunamineralsmut akilersuineq unitsisoqarmalli - akiligassaqarfimminut ukiup ataatsip ingerlanerani isumaqatigiissusiornissamut suliaq naammassisinnaasimanngilaa.

- Taamatullu pisoqarnissaa ilimagineqareersimavoq, Nunamineralsillu akiliisinnaajunnaarnissaanik aningaasanik pissaqartut piumasaqarneratigut utertitsivigineqarnissartillu piumasarilersinnaagaat, Karsten Høy KNR-mut oqarpoq.

NunaMineralsip juunimi marloriarluni akiliisinnaajunnaartussanngoraluarnini pinngitsoortikkaluaraa, massakkut akiliisinnaajunnaartutut nalunaarutigineqarsimalerpoq.

Greenland Holdingillu 4,5 milliuunit koruuninit utertiffigineqarnissaa qularnarpoq. Akisussaasutut aningaasanik attartortitsisuuvugut, taamaattumik aningaasanik pissallit siulliussapput uagullu kingulliussalluta.

Aningaasat attartortitat saniatigut Holding NunaMineralsimut 2,9 milliuunit koruuninik aamma attartortitsisimavoq.

Qularnaveeqqusiussaqarlunilu taarsigassarsinermi allagartaq naapertorlugu NunaMineralsip illutaa qularnaveeqqutigineqarmat, aningaasanik utertitsivigineqarsinnaanneq ilimanaateqarsinnaasorineqarpoq.

NunaMineralsip akiliisinnaajunnaartutut aalajangiiffigineqarnini ullualunnguit qaangiuppata ingerlateqqissinnaagaa, Niels Hansen Dammip oqarpoq.

Advokatfirmaet Malling Hansen Damm akiliisinnaajunnaartut pigisaannik nakkutiginnittussatut toqqarneqareerpoq.

KNR-ip paasisai naapertorlugit, suliffeqarfiit 50-it inuillu ataasiakkaat NunaMineralsimit 40 milliuunit koruuninik pissaqarput.

NunaMineralsip siulersuisuni siulittaasua, marlunngorpat juulip ulluisa tallimaanni oqaaseqarniarluni nalunaaruteqarpoq.

Aamma atuaruk Pisortaasimasoq akiliisinnaajunnaarnermik nalunaaruteqartuusoq

Aamma atuaruk NunaMinerals annakkallartoq