Namminersorlutik Oqartussat KANUKOKA-lu isumaqatigiissuteqarput
Kommunit katillugit 1,3 milliarder koruuninik nunatta karsianit tapiiffigineqassapput, Naalakkersuisut aamma KANUKOKA tusagassiuutinut nalunaaruteqarlutik taama allapput.
Aningaasarpassuit tapiissutigineqartut soorlu ineqarnermut tapiissutinut aamma siusinaartumik soraarnerussutisianut, innarluutilinnut aamma ulloq unnuarlu aningaasartuutinut matussusiisussaapput.
Tusagasiuutinut nalunaarummi atuarneqarsinnaavoq Namminersorlutik Oqartussat aamma KANUKOKA isumaqatigiissimasut ataatsimoortumik soqutigisaqarfiusuni, sammisaqarfinnit tamani itinerusumik annertunerusumillu suleqatigiinniarlutik.
Aamma atuaruk Andreas Uldum: Kommuneqarfik Sermersooq kisimi sinnerlugu naalakkersuisuunngilanga
Suliniutit pineqartut ilaatigut tassaaput, meeqqat atuarfiata, inuusuttunut suliniutit, digitalinngorsaanerup, siusinaartumik soraarnerussutisianik aaqqissuusseqqinnerup immikkoortullu aningaasaleeqatigiffiusut nalilersorneqarnerisa malitseqartitsiffiginissaat.
Aningaasaqarnermut Naalakkersuisup Anda Uldumip oqarnera naapertorlugu kommuninik suleqateqarnerulernissap annertusarneqarnissaa pissusissamisoortuusoq.
- Sammisat taaneqartut nukittorsarneqarnissaat ataatsimoorullugu soqutigisaraarput, inuiaqatigiinni aaqqissussaanikkut ajornartorsiutit aaqqiiffiginiassagatsigit. Sammisat taaneqartut nukittorsarneqarnissaat ataatsimoorluta soqutigisaraarput, taamaalilluta inuiaqatigiinni aaqqissuussaanikkut ajornartorsiutit aaqqinniassagatsigit, Anda Uldum oqarpoq.
Aamma atuaruk Palle Jerimiassen: Iluatsinngitsuugaqarpugut
KANUKOKA-p siulittaasua Palle Jerimiassen isumaqataallu ima ilassuteqarpoq:
- Kommunit aningaasaqarnerat ilungersunartorsiorpoq. Taamaattumik, nunami innuttaasut nuannaarutissinniarlugit - qanoq iliorluta pissutsit pitsaanerulersissinnaanerlugit paasiniarlugu nutaamik aqqutissarsiortariaqarpugut. Isumaqatigiissut ilorraap tungaanut alloriarneruvoq, kommuunit kattuffiata siulittaasua taama oqarpoq.
