Immikkut ilisimasalik: Namminersorlutik Oqartussat IT-kkut isumannaallisaanerusariaqarput
IT-kkut pinerluttartut Namminersorlutik Oqartussat qarasaasiaannut paasissutissarsiortut ullut tamaasa pinngitsaaliillutik akiliisitsiniartarput. Kisianni digitalimik Sullissinermut Aqutsisoqarfik naapertorlugu isumannaallisaaneq suli naammakkallarpoq.
Paasissutissanik tillittartut atortulersuutilluunniit aqunniarlugit allanngortiniarlugilluunniit
ingalassimatinniarnerat naammannersoq IT-kkut isumannaassusermik sulialik namminersortoq, Mikael Hertigip apeqquserpaa.
- Paassissutissanit isertorluni alapernaasertoqassangateqaara. Namminersorliutik Oqartussat isumannaallisaanerat taamaatilugu taamaaliortoqarluarsinaavoq. Maanna iliuusereriikkanik sumi tamaani iliortoqarnerusinnaassangatippara, Mikael Hertig oqarpoq.
IT-kkut isertortumik paasiniaasoqarsinnaanera nunatta paasissutissanik pingaarutilinnik paarsilluarsinnaanerata apeqquserneqarsinnaanera ilaatigut tikkuarpaa, aningaasaliisartunik soqutiginnilersitsiniarneq ajoquserlugu.
AAMMA ATUARUK Kalaallit Nunaat ullut tamaasa saassunneqartarpoq
- Arlaat aningaasartungaarnani Namminersorlutik Oqartussanut isersinnaappat, taava kinaluunniit ajornannginneraallunik aningaasaliiumajunnaariaannaavoq. Uagut alakkarsinnaagutta, aallat aamma taamaliorsinnaassapput, Mikael Hertig oqarpoq.
Qulakkeerinnivissorsinnaanatik aammali ineriartortitsiuarlutik, Digitalimik Sullissinermut Aqutsisoqarfimmi IT-qarnikkut ingerlatsinermut aqutsisoq, Tony Ditlevsdal, oqarpoq.
- IT-kkut isertortumik paasiniaasoqarsinnaaneranut isumannaatsuunerput maannamut naammattuusoq nalilerniarpara, Tony Ditlevsdal oqarpoq.
Namminersorlutik Oqartussat qanoq isumannaallisaatiginersut Mikael Hertigip naluaa, danskilli qarasaasiakkut isumannaatsuunissamut inatsisaata nunatsinni atuutilersinnneqarnissaanik politikerit kaammattorlugit.
AAMMA ATUARUK Aleqap digitali atorlugu isertortumik paasiniaasoqarsinnaaneranut sillimmartaartoqarnissaa pisariaqarsorinngilaa
- Ilisimaqqissaanngilara naliliisainnaavungali. Pitsaanerusinnaavorlu. Iliuuserisinnaasarlu ataaseq tassaavoq, ministeriuneqarfimmut saaffiginnilluni qarasaakiakkut isumannaatsuunissamut sullissiveqarneq pillugu inatsit atuutilersinnissaa, Mikael Hertig oqarpoq.
Qarasaasiakkut isumannaatsuunermik sullissiveqarfimmut inatsit Mikael Hertigip pisaa tassaavoq sakkutuut isertortumik paasiniaasartoqarfianiittoq, inuiaqatigiinni, soorlu oqarasuaatitigut, imermik pilersuinikkut innaallagissiorfitsigulluunniit IT-kkut atortulersuutitigut isumannaallisaanermik suliaqartoq pillugu inatsit, kunngip atuuttussanngortitsineratigut nunatsinni inatsisaalersinnaavoq.
