ASSIT Namminersorlutik Oqartussanut sioorasaarisoqartoq
Namminersorlutik Oqartussat Nuuk Centerimi allaffeqarfiannut sioorasaarummik politiit ullumikkut nalunaaqutaq 9.40 tigusaqarput.
Allattoq Aaqqissuisoqarfik / Redaktionen
Namminersorlutik Oqartussanit aamma Nuuk Centerimit inunnik qimagussortitsineq politiit maanna isumagileruttorpaat.
Paasiniaaneq maanna ingerlanneqartoq pissutigalugu politiit sukumiinerusumik oqaaseqarsinnaanngikkallarput.
Namminersorlutik Oqartussani Nuuk Centerimilu sulisut politiinit Katuamut, centerip sanianiittumut, katersorneqarput.
Namminersorlutik Oqartussat, Nuuk Centeri Inatsisartoqarfillu ullup sinnera matoqqatinneqartussanngorput. Illorsuarni pineqartuni init tamarluinnarmik misissorneqartussaanerat tamatumunnga pissutaasoq, politiit Katuami tamanna nalunaarutigaat.