Naluttarfik Malik matulerpoq

Nuummi naluttarfiup naqqata foliaata taarserneqarnissaa pissutigalugu, naluttarfik qaammat ataaseq matoqqagallalerpoq.
Assi © : KNR/Arkiv
juunip 23-at 2011 09:38

Folia plastic-iusoq ussiillisimammat nutaamik taarserneqartussanngorpoq.

Folia naluttarfik ukiut arfineq pingasut matuma siorna atoqqaarfissiorneqarmalli atanikuuvoq. Taamaattumik taarsigassanngorpoq. Naluttarfimmi aqutsisoq Per Thomsen KNR-imut taama nassuiaavoq.

Folia plastic-iusoq ukiuni tallimaniit ukiut qulit tungaanut atorneqarsinnaasutut naatsorsuussaavoq.

Foliamillu taarsiinissaq pissutigalugu naluttarfik aqagumiit matugallassaaq.

Pilersaarutit malillugit naluttarfik Malik ataasinngornermi juulip 25-ani ammaqqissangatinneqarpoq.