VIDEO Nalunaarusiortoq: AWG iluarisimaarluarneqartoq
Unammiuaarnerit Nuummiinnangajak ingerlanneqaraluartut Nunatta sinnerani malinnaasorpassuarnit iluarisimaarneqartoq, nalunaarusiortup tupaallaatigisimallugu oqaatigaa.
- Oqaatigisinnaavara kisitsisit naapertorlugit Kalaallit Nunaani amerlaqisut ajunngilluinnartumik aaqqissuussaq nalilermassuk, AWG16 pillugu ukiuni marlunni misissuilluni nalunaarusiortoq, Aalborg Universitetemi takornariaqarnermut lektori, Carina Ren, KNR-imut oqarpoq.
Aamma atuaruk Arctic Winter Games Kalaallit Nunaat tamakkerlugu siammarterneqarpoq
Nunatsinni aaqqissuussap annersaata ingerlanneqarnera pillugu kalaallit, aningaasaliisut, malinnaasullu avataaneersut allat, katillugit 1622-t nalunaarusiami apersorneqarput.
Apersorneqartullu ilaasa immikkuullarissut AWG2016 nuannarilluinnarpaat.
Aamma atuaruk Angajup AWG-mut aliannaartippaatigut
- AWG-qarnerani peqataasorpassuit nuannarilluinnarsimavaat, timersornikkullu unammiuaartitsinersuarmi torrallataalluinnartumik inuusuttuararpassuit Kalaallit Nunaannukartut isiginnilersimallutik naliliipput, Carina Ren oqarpoq.
Naak AWG2016 Nuummi aaqqissuunneqaraluartoq inuiaqatigiinnut tamanut sunniuteqarluarsimasoq nalunaarusiami nalilerneqarpoq.
Aamma atuaruk AWG-mi aaqqissuisoq imminut iluatsilluartutut nalilertoq
Unammiuaartoqarnerani tusagassiuutitigut Nunatsinni malinnaasitsineq iluarisimaarluarneqartoq misissuinermi paasineqarpoq.
- Tupaallannartullu ilagaat sinerissameersut apersorneqarneranni paasinarsimmat aaqqissuussarujussuaq taamaattoq Kalaallit Nunaata tulluusimaarutigilluarsinnaagaa.
Aamma atuaruk Kuulti, sølvi bronzelu: Ujaminnattortarpassuavut uani takukkit
Tusagassiuutillu taassuma nersualaarpai.
- Assersuutigalugu KNR-ikkut aallakaatitarpassuit inuppassuarnit malinnaavigineqartarsimapput. Aamma soorlu aviisitigut nittartakkatigullu attaveqarfigeqatigiittarfinni atuarneqarsinnaasimallutik. Tassami AWG-p facebookkikkut quppernera 11.000-inik malinnaavigineqarpoq.