Nalimmassaarinissamut siunnersuutaagallartoq itigartinneqarpoq
Kommunit akornanni nutaamik nalimmassaaqarnissaanut siunnersuut Naalakkersuisunit ullumi tallimanngornermi itigartinneqarpoq. Taarsiullugu 2016-imut aaqqiissutaagallartussamik siunnersuusiortoqassasaq, Radioaviisip tusarfii assigiinngitsut ullumi nalunaarutigaat.
Allattoq Mads Lynge
juunip 05-at 2015 20:47
Nalimmassaasoqarnissaanut siunnersuutip nutaap itigartinneqarnissaa ilimagineqareerpoq, tassami nutaamik nalimmassaasoqarnissaanut siunnersuutit assigiinngitsut marluk sapaatip-akunnerata massuma ingerlanerani saqqummiunneqarmata.
Siunnersuutigineqartut taakku marluk tamarmik immikkut aallaavigalugit Kommuneqarfik Sermersuup kommuninut pingasunut sinneruttunut 100 millionit koruunit pallillugit akiliinerunissaa siunnersuutigineqarpoq.
Kommuneqarfik Sermersooq aningaasanik 45 millioninik kommunit sinnerinut siorna akiliinerusussatut aalajangerneqarpoq.
