Naligiissitaanermi arnat inissisimanerat pillugu Nunarput misilitsissaaq
Naalakkersuisut tusagassiuutinut taama nalunaaruteqarput.
Nalunaarusiaq naligiissitaanerup aqqani 2009-mili iliuuseqaataasimasunik, takussutissiatigut inatsisitigullu anguneqarsimasut pillugit saqqummiussaqarnissaat, Nunatta soraarummeeqataaneranut tunngaviussaaq.
Naligiissitaanermut apeqqut assersuutigalugu suliffeqarnermi ilinniartitaanermilu qanoq angusaqartoqarsimanersoq akissutissarsineqarniarpoq, arnallu naligiissitaanerup aqqani ilumut immikkoortinneqartannginnissaat pillugu ataatsimeersuarnerup kingorna naligiissitaanermut kommitép tullissanik soraarummeertoqarnissaata tungaanut sutigut suli pitsanngorsaasoqarsinnaanersoq inassuteqaateqarfigissavaa.
Nunarpulli siuliani soraarummeertoqarneraniilli angusaqangaatsiarsimasoq Naalakkersuisut allaaseraat.
Naligiissitaanermut inatsit nutaaq 2013-imi akuersissutigineqarsimavoq, suiaassutsi tunngavigalugit immikkoortitsisarnerit akuerineqarsinnaannginnerat tassuunatigut oqariartuutiginiarneqarpoq.
Naalakkersuisut suliniutaat "2014 - 2017 akornanni Nipangersimanata - Persuttaaneq unitsilli - iliuuseqarfigalugulu" aqqutigalugu arnat persuttarneqartarnerisa unitsinniarneqarnissaat suliniutigineqarpoq.