Nakuuserniartarnerit unnugu oqallisigineqassapput

septembarip 28-at 2004 14:33

Nuummi inuusuttut nakuuserniarnerata oqallisaanera unnugu ataatsimiititsinikkut nanginneqassaaq qulequtaralugu ”Nakuuserneq unitsilli”, Nuullu borgmesteria, Agnethe Davidsen kingullermik marlunngornertut oqallitsitsinermut aallarniisuussaaq.

Kingullermik inuusuttuaqqat oqallitsinneqarput, unnuguli illoqarfiup innuttai kikkulluunniit peqataasinnaapput nakuusertarnerit sumik pissuteqarnersut qanorlu ililluni pinngitsoortinniarneqassasut isummerfigitinneqassallutik.

Ukiariartornerani Nuummi inuusuttuaqqat pisarnermit nakuuserniarnerunerat pisartullu qangarnit sakkortunerunerannik politiit uppernarsaanerat oqallitsitsinernut aallaaviupput. Unnugu oqallitsitsineq Nuup Timersortarfissuani pissaaq nalunaaqutaq arfineq-pingasut qeqqanit.