VIDEO NAKUUSA ingerlaqqissinnaanngortoq
Suliniut NAKUUSA ukiuni tallimani suliniuteqrnissani qulakkeerpaa, tamanna pivoq Naalakkersuisut aamma UNICEF Danmark NAKUUSA-lu isumaqatigiissutertik sivitsormassuk.
NAKUUSAp 2011-imi aalartimmalli eqqaamaneqaataasa ilaat tassaavoq suliniut ”Suli Anaanamik! Suli Ataatamik!” taaguutilik. Aamma KNR-TV aqqutigalugu isiginnaagassiaaqqanik meeqqat inuusuttullu pisinnaatitaaffiinut tunngasunik takutitsisarpoq.
Maanna suliniut alloriaqqissinnaanngorpoq, taamaaliornissamullu pissutissaqarluartoq UNICEF danmarkimi pilersaarusiortoq, Arnavaraq Jørgensen, isumaqarpoq.
- Suliniutitta qanoq pisariaqartiginera takusinnaavarput. Tassami inuiaqatigiinni meeqqat tusaaneqartariaqarput, Arnavaraq Jørgensen KNR-imut oqarpoq.
NAKUUSAmi ataqatigiissaarisoq Najaaraq Møller oqaluttuarpoq pilersaaruterpassuit aallartisarneqassasut.
- Kommuneqarfinni meeqqat siunnersuisoooqatigiivinik pilersitsiniarpugut, meeqqat isummersorfiattut atugassaq. Meeqqallu piumassusillik tassunga qinnuteqarsinnaassapput, Najaaraq Møller oqarpoq.
Taassuma aamma oqaatigaa illoqafiinnaanngitsut aammali nunaqarfiit anguniarneqassasut.
Qanoruup ilanngutassiaa takuuk.