Hospitalsgang på SanaAssi: Jonas Løvschall-Wedel

Nakorsat qullersaata nuna tamakkerlugu nalunaarsuiffik pisariaqannginnerarpaa

Peqqinnissaqarfimmi kukkunerit siunertarineqanngitsumilluunniit pisut qullersatigoortumik misissorneqarnissaat pisariaqanngilaq.

Tusagassiuutinut nalunaarummi nakorsat qullersaat Anne Marie Ulrik taama nassuiaateqarpoq. Tassani erseqqissarpaa siunertarineqanngitsumik pisartunut tamanut nuna tamakkerlugu nalunaarsuiffimmik pilersitsisoqartariaqanngitsoq.

Taarsiullugu pisut tamaasa sumiiffinni assigiinngitsuni aaqqiiviginissaat taamalu pisoqaqqinnginnissaa siunertaralugu sulissutigineqartassapput.

- Misilittakkat taama atorneqarnissaat siunertaasariaqarpoq - tassalu pinaveersaartitsinikkut nakorsat qullersaat oqarpoq.

Danskit nakorsiartartut peqatigiiffianni taama aaqqissuussisimaneq iluarisimaarneqaraluarpoq. Tamakkunani takuneqarsinnaammat kukkussutit suut utikattuunersut, aammalu assersuutigalugu napparsimasoqangaatsiarnerani kukkuluttortoqarnerusarnersoq.

AAMMA ATUARUK Peqqissutsimut naalakkersuisoq pilersaaruteqanngilaq

Nunatsinnili peqqinnissaqarfiup nalunaarsuinermiit suliat ataasiakkaat misissortarusunneruai.

Naggasiullugu peqqinnissaqarfiup erseqqissarpaa siunertarineqanngitsumik pisoqaraangat kukkunerusanngitsut. Taamali pisoqaraangat aaqqissuussinerup iluani kukkunerusartut.

Soorlu nakorsaatit kukkusut nakorsartittussamut tunniuttooraanni. Imaluunniit misissortittussaqartillugu misissortittussap atia inuuialu eqqortumik paasiniarsimanngikkaanni inullu alla misissortikkiartoraanni.

AAMMA ATUARUK Peqqissutsimut naalakkersuisoq pilersaaruteqanngilaq

Tassaapput kukkunerit nakorsiap nappaataanut tunngasuunngitsut, peqqinnissaqarfimmili sulisut katsorsaanermi paaqqinninnermilu siunertaanngitsumik iliuuseqarpata nakorsiamik ajoqusiisinnaasumik ajoqusiisimasinnaasumilluunniit.

 

AAMMA ATUARUK Peqqinnissaqarfimmi kukkunerit nalunaarsuusiarineqartanngillat

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!