Naja Arctica pillugu nassuiaasoqarpoq
Royal Arctic Linep umiarsuaa Naja Arcticap tallimanngormat Nuummi anorersuarmik nassataritinnera pillugu inuttat Nuup eqqaartuussiviani ullumi susoqarsimaneranik nassuiapput. Nassuiaanerullu inernera ullut arlalinnguit qaangiuppata piariissaaq.
Nassuiaapput Naja Arcticami naalagaq, aquttuuneq kiisalu Royal Arcrtic Linep Ingerlatsinermi pisortaa Taatsiannguaq Olsen.
Sioqqanik assartuutip piginnittaa aquttualu aamma eqqartuussivimmi najuupput, sioqqanik assartuut kiggigunneqarnermi kingorna singartitersimavoq.
Eqqartuussivimmi umiarsuarni ajutoortoqartillugu nassuiaasoqartussaatitaasarneq susoqarpiarsimaneranik ersersitsisuusaarpoq, eqqartuussisoqassagaangallu tunngavigineqartarlutik.
Naja Arcticallu ajutoorneranut sillimasiinermut apeqqutit nassuiaammi tunngatinneqassapput.
Naja Arctica anorersuarmit nassataritippoq, umiarsuarli putunngilaq, sarpiiarlunilu aquutaajarpoq.
