Loretta Saunders. Asseq toqqorsivimmit

Canada Naggueqatitta arnap inuusuttup inuartarineqarnera pillugu opera nutaaq

Naggueqatitta arnap inuusuttup inuartarineqarnera pillugu opera nutaaq Canadami takuteqqaarneqaqqammerpoq.

Nunatsiavumiu Loretta Saunders, Nova Scotiami ilinniartuusoq naggueqatigiillu Inuit arnartaannik persuttaasarnerup akiorneqarnissaanik suliniummi suleqataasoq operami sammineqarpoq.
 
Ilinniakkami 2014-imi naammassinissaanut qaammatit marluinnanngortut persuttarneqarluni inuartarineqarsimasoq timaalu eqqaaviup puussaaniittoq aqqusinersuup killinganut qimaannarneqarsimasoq nassaarineqarpoq. Periarfeerunneqarneranit ullut 14-it qaangiummata politiinit nassaarineqarpoq.

AAMMA ATUARUK Canadami nunap inuiisa misissuisussatut ataatsimiititaliortoqarnissaa piumasaqaatigigaat

Inuartarineqartumut qatanngutaasup Delilah Saundersip CBC Newsimut oqaatigaa aliasuuteqarnini ajunngitsumut saatinniarsaralugu, qatanngutini Inuillu arnartaat persuttarneqarlutik toqutaasimasut allat pillugit.
 
Taamaammat qatanngutaasup opera taaguuteqartoq One Stalk, One Arrow, No Stalk, No Arrow suliarisimavaa, taannalu nunap inoqqaavisa arnartaasa malersugaanerannut nunap inoqqaavisalu, aamma angutit, perusuttarneqartarnerinut tunngassuteqarpoq.

AAMMA ATUARUK Arnat periarfeerunneqartut naagueqatitta Inuit misissuiffigeqquaat

Opera erinniarsuit nutaaliat atorlugit erinniortumit Labradorimeersumit Andrew Noseworthymit nipilersuuserneqartoq Ontariomi Western Universitetimi novembarip qaammataani takuteqqaarneqarpoq.
 
Eqqaamasanillu anniaateqarfiusunik utersaartitsigaluarluni ilassilluarneqarpoq.
 
Delilah Saundersip nunap inoqqaavisa arnartaasa ilarpassuisa persuttagaasarnerat oqaluttuariniarlugu eqqumiitsuliornikkut suliaqarnini ingerlatiinnarniarpaa.

AAMMA ATUARUK Akilinermi arnaq naggueqaterput inuartarineqarsimasoq nassaarineqarpoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!