Naggueqatigiit Inuit allaffeqarfiisa eqqaani aallaasersortoq
Inuit Tapiriit Kanatamip ICC Canadallu allaffeqarfii Canadap Inatsisartoqarfianit 500 meterit missaannaannik ungasitsigisumiipput, tassanerpiarlu ullumi peqqarniisaarniap sakkutooq toqullugu aallaavaa, Inatsisartoqarfimmilu paarsisoq ikilerlugu, Inatsisartoqarfimmilu 30-riarluni igilluni.
Patricia Souza, Inuit Tapiriit Kanatamimit oqaaseqartartoq, Radioaviisimut oqarpoq sulisut tamarmik politiinit qimarngunneqarsimasut, maannalu angerlakaallutik. ICC-p allaffiani sulisut aamma qimarngunneqarsimapput.
Oqaatigaalu politiit sulisut illersorniarlugit qimagussortissimagaat.
Illorsuit Inatsisartoqarfimmit kilometerimik ataatsimik ungasitsigisumiittuniittut tamangajammik isumannaallisaanissaq pillugu matoqqapput. Sulimi illoqarfiup qeqqani aallaasersortoqarsorineqarmat suli tigusarineqanngitsunik.
