Sara Olsvig: Naveersinikkut ataqqineqalertoqarsinnaanngilaq
Politikenimit allaatigineqartumi nunanut allanut naalakkersuisup Nunatta nunanut allanut sillimaniarnermullu politikkimi sunniuteqarnerorusunnera Danmarkimit isiginngitsuusaarneqarnerarpaa.
Poltikenimi allaatigineqartumi Vittus Qujaukitsup ilaatigut Nunarput iluamik tiguneqannginnerarlugu isornartorsiuivoq, Inuit Ataqatigiit siulittaasuata Naalakkersuisunilu ilaasortap Sara Olsvigip tamanna oqaaseqarfiginissaa soqutiginngilaa.
AAMMA ATUARUK Isornartorsiuineq Kielsenimeerpat aatsaat ernumanissamut pissutissaqalissaanga
- Ukiuni qulikkaani pissutsit pillugit nipangiusseqqaneq Danmarkillu aqutsineranik Nunarput pimoorunneqanngilaq, Vittus Qujaukitsoq oqarpoq.
Qujaukitsulli oqaloqatiginneriaasaa Sara Olsvigip oqaaseqarfigerusuppaa.
AAMMA ATUARUK Danmarkip anneruniarnera aserorsaataalluinnarpoq
- Nunarsuarmi nunaqanngilaq nunanik allanik naveersinermikkut ataqqineqalertunik namminersulertunilluunniit, Vittus Qujaukitsup oqariartuutaasa ilai tupaallaatigaakka. Vittus Qujaukitsup taama oqarnermini qanorpiaq isumaqarnersoq Naalakkersuisuni ataatsimoorluta massakkut oqaloqatigiissutigisariaqarparput, Sara Olsvig oqarpoq.
Naalakkersuisut siulittaasuat Kim Kielsen maannamut suli oqaaseqanngilaq.