Qeriuaannartumiikkaluarluni, Svalbardimilu inissisimagaluarluni, kiammik ajornartorsiuteqarpoq, imermillu isaavigineqartarluni. Atuagassiami Ingeniørenimi tamanna allaaserineqarpoq.
Toqqorsiviup atulersinneqarnerani eqqarsaat tassaavoq naatsiiassanik naasunillu assigiinngitsunik silap pissusaata allanngoriartornerani annaasaqannginnissaq.
Toqqorsivinni nunap ataaniittuni naasussat naatsiiassallu assigiinngitsut 500.000-nit amerlanerit toqqortarineqarput. Tassa nunarsuaq tamakkerlugu naatsiiassat naasussallu pingajorarterutaat.
Toqqorsivimmili 18-inik issittuaannartussaavoq, teknikerilli tmanna ajornartorsiutigisimagaat paasinarsivoq. Taamaammat toqqorsivimmi qaarsut meterinik arlalinnik atsitsigisumiittut qeritiortorlugit maanna aallartipput.
- Toqqorsiviit sanagatsigik tunngavipput tassaavoq toqqorsivik qeriuaannartumiissasoq. Toqqorsiviilli naammassineqareermata, silaannaap kissatsikkiartornera pissutaagunarluni, nunap ilua qeriuaannartussaagaluaq taamaalinngitsoorpoq, toqqorsiviit sananeqarneranni pisortaq, Magnus Bredeli Tveiten, atuagassiamut Ingeniørenimut oqarpoq.
Nillernera allanngutsaaliorniarlugu politikerit, aviisiliortut allallu toqqorsivinnut aggikulavallaannginnissaat sukangasuumik naalakkiutaavoq.