Naartuersinnissamut Danmarkimi killigititaasoq sapaatit akunnerit aqqaneq-marlunniit 18-inut sivitsorneqartoq

Naartuersinnissamut Danmarkimi malittarisassartaat atuutilerpata, nivissat 15-it 17-illu akornanni ukiullit angajoqqaatik naartuersinnerluunniit pillugu ataatsimiititaliaq akuersiteqqaarnagit aamma naartuersissinaalissapput.

Allattoq Helle Nørrelund Sørensen, Ritzau

maajip 03-at 2024 09:48

Nutserisoq Jaaku Lyberth

Folketingimi sivitsortumik oqallittoqareersorlu qaqugukkut naartuersittoqarsinnaanersoq, Folketingemi amerlanerussuteqartunit isumaqatigiissutigineqarpoq.

Tassa naartuersinnissamut Danmarkimi killigititaasoq sapaatit akunneri aqqaneq-marlunniit 18-inut 2025-mi juunip aallaqqaataani atuutilertumik sivitsorneqassaaq.

Naartuersinnissamut Kalaallit Nunaanni killigititaasoq allanngortinneqanngilaq, tassa sapaatit akunneri aqqaneq-marluk qaangiutsinnagit naartuersittoqartarnissaa piumasaqaataavoq.

Aamma atuarukKisitsisit nutaat: Naartuersittartut meerartaarineqartunit suli amerlanerusut

Naartuersinnissamut killigititaasup sivitsorneqarnissaa, Danmarkimi ileqqorissaarnissamik siunnersuisoqatigiit siorna siunnersuutigaat, Danmarkimi naartuersinnissamut killigititaasup Europami nunanut allanut sanilliullugu sivikippallaarnera tunngavilersuutigineqarluni.Naartulernermiit sapaatit akunneri 18-it qaangiutsinnagit Sverigemi Islandimilu sapaatit akunneri 22-t qaangiutsinnagit naartuersittoqarsinnaavoq.

NAARTUERSINNISSAMUT NUNANI ALLANI KILLIGITITAASUT NAATSUMIK

Naartuersinnissamut Kunngeqarfik Danmarkimi nunanilu avannarlerni allani killigititaasut assigiinngillat.

Kalaallit Nunaat: Naartulernermiit sapaatit akunneri aqqaneq-marluk qaangiutsinnagit naartuersittoqarsinnaavoq. Herefter skal ..... give tilladelse til abort.

Savalimmiut: Naartuersittoqariaannaasanngilaq. Inuunermi navianartorsiortut, peruluttumik navianartorsiortumilluunniit naarmiullit, meeqqamik isumaginnissinnaanngitsut pinngitsaalineqarlutilluunniit naartulersimasut taamaallaat naartuersissinnasut, Savalimmiut inatsisaanni allaqqavoq.

Danmark. Naartulernermiit sapaatit akunneri aqqaneq-marluk qaangiutsinnagit naartuersittoqarsinnaavoq. Naartuersinneq pillugu ataatsimiititaliaq akuersippat, naartulernermiit sapaatit akunneri aqqaneq-marluk qaangiunneranni naartuersittoqarsinnaavoq. Folketingimi sivitsortumik oqallittoqareersorlu qaqugukkut naartuersittoqarsinnaanersoq, Folketingemi amerlanerussuteqartunit isumaqatigiissutigineqarpoq. Tassa naartuersinnissamut Danmarkimi killigititaasoq sapaatit akunneri aqqaneq-marlunniit 18-inut 2025-mi juunip aallaqqaataani atuutilertumik sivitsorneqassaaq.

Island: Naartulernermiit sapaatit akunneri 22-t qaangiutsinnagit naartuersittoqarsinnaavoq.

Norge: Naartulernermiit sapaatit akunneri aqqaneq-marluk qaangiutsinnagit naartuersittoqarsinnaavoq. Naartuersinneq pillugu ataatsimiititaliaq akuersippat, naartulernermiit sapaatit akunneri aqqaneq-marluk qaangiunneranni naartuersittoqarsinnaavoq.

Sverige: Naartulernermiit sapaatit akunneri 18-it qaangiutsinnagit naartuersittoqarsinnaavoq.

Danmarkimi naartuersittarneq pillugu malittarisassanik ukiuni kingullerni 50-ini allannguisoqarsimanani aatsaat allannguisoqarpoq, maannalu allannguisoqartariaqariaqartoq danskit nunamut namminermut peqqinnissamullu ministeriat Sophie Løhde (V) oqarpoq.

- Naartuersinnissamut maanna killigititaasup peqqissutsimut ulorianarsinnaaneranut takussutissaqanngilaq, naartuersisinnaanerlu kingusinnerusukkut imaluunnit arlaleriarluni naartuersikkaanni ulorianarsinnaaneranik takussutissaqarpasinngilaq, Sophie Løhde oqarpoq.

Aamma atuarukUSA-mi naartuersissinnaanerup nuna tamakkerlugu inerteqqutaalernissaa Trumpip siunnersuutigilersaaraa

Naartuersinnissamut malittarisassartaat atuutilerpata, nivissat 15-it 17-illu akornanni ukiullit angajoqqaaminnit akuersiteqqaarnatik aamma naartuersissinaalissapput.

Danmarkimi 1973-imi nunatsinnilu 1975-imi naartuersittoqarsinnaalerpoq.