Naamaartarneq mianersoqqussutigigaat
Inuusuttuaqqat gassimik allanillu naamaarniartartut pillugit Kommuneqarfik Sermersooq attavigineqarsimavoq, pitsaaliuinermillu ingerlatsivik naamaartarnermik akiuinissamut ikioqqulluni innuttaasunut saaffiginnissuteqarpoq.
Allattoq Nauja Møller
Saaffiginnissummi angallataatillit sanaartorfinnilu sulisut inassuteqarfigineqarput, naamaarnermut atorneqarsinnaasut toqqortertaqqullugit misilittaanermut killiffimmiittunik taaneqarsimasut pissarsiareqinammagit.
- Naamaarneq inuusuttuaqqamut ulorianartorujussuuvoq, qaratsamik ilisimajunnaarsitsisarmat, uummatinut ajoqutaammat toqussutaasinnaallunilu. Inuit tamarmik akisussaaffigaat tamassumap pinngitsoortinneqarnissaa, Pitsaaliuinermik siunnersorti Kommuneqarfik Sermersuumeersoq Eva Kirkegaard taama allappoq.