AWG2016 Naalakkersuisuusimasoq nuannaarlunilu tulluusimaartoq

Kultureqarnermut naalakkersuisuusimasoq Inuit Ataqatigiinneersoq Mimi Karlsen, AWG-ip ulluni makkunani ingerlanneqarnerani immikkut nuannaarutissaqarpoq.
Allattoq Karsten Sommer
marsip 07-at 2016 05:48
Nutserisoq Simon Uldum -

AWG-immi Nuummi ingerlanneqarnissaa kultureqarnermut naalakkersuisuunerata aalajangerneqarpoq.

- AWG-ip Nunatsinni 2016-mi ingerlanneqarsinnaanera upperigakku nunatsinniinnissaa issittumi naalakkersuisut akornanni uteriiserutigaara. Uteriiserutigaara pingaartikkakku nunat inukitsormiuugaluaruttaluunniit aamma aaqqissuussanik angisuunik ingerlatsisinnaagatta, Mimi Karlsen taama allappoq.

Aaqqissuisullu kajumissutsiminnillu suleqataasorpassuit aamma nuannaarutigai:

- Piumassutsiminnik ikiuukkumasorpassuit takullugit tuppallernaqaaq. Suliamut angisuumut tunniullutik, inuusuttagut, nunarput sullillugu ulapputtut takullugit nukimmik angisuumik peqarnerput uppernarsivara, Inatsisartunut ilaasortaq allappoq imalu naggaserlugu:

- Ataatsimoorneq, piumassutsimik ikiuunneq, tapersersuinerlu unamminermiinnaanngitsoq siunissamili inuiaqatigiinnut tuniluuttuarili.