Naalakkersuisut siulittaasuat Naalagaaffeqatigiit Peqatigiiffiannit nersualaarneqartoq
- Nunatta naalagaaffeqatigiinnit avissaarniarnerata unitsikkallarneqarnissaanik isertuussaqarani tusagassiutinut, Kim Kielsenip nalunaarnera sapiitsuliorneruvoq. Tamannalu akisussaassuseqarluni politikkikkut ingerlatsisoqarneranik takussutissiivoq aamma anguniagassanik siunniussaqartoqarneranik takussutissiilluni, Nauja Lynge allappoq.
AAMMA ATUARUK Peqatigiiffik Naalagaaffeqatigiiffik: Nakimaannerup siunissaq ajortunngortissanngilaa
Taassumali tupigaa, Kim Kielsenip taama siunniussaqarnera, Danmarkimi tusagassiorfinnit malugineqagaannginnera, tassami Aleqa Hammondip naalakkesuisutut siulittaasuunerata nalaani, taassuma avissaarnissamik isuma qaqimmagu, tamanna aviisinit allaaserineqagaatsiarnera eqqaarsaatigissagaanni.
- Danskit tusagassiorfiinit Kim Kielsenip isummersuutaasa sammineqannginnerunera paasisinnaanngilara. Immaqa tamanna aatsaat arlaleriarlugu oqaatigineqarpat soqutigineqalissaaq. Aamma danskit ministeriunerata isuma tamanna tapersersortuuppagu, tamanna ministeriunerup suleqatiginnikkusussusianik takussutissiissagaluarpoq, Naalagaaffeqatigiit Peqatigiiffianni siulittaasoq, Nauja Lynge ilaatigut taama aviisi Politiken aqqutigalugu allappoq.