Assi: Jørgen Chemnitz

GE Naalakkersuisut qulalersitsisut

Kuannersuarni aatsitassarsiornissamut avatangiisinut sunniutissat pillugit missingersuusiap naalakkersuisut sussassaqartunut tunniuteriarlugu utertimmassuk, aningaasaliisartunut suliffeqarfinnullu qulalersitsivoq. Kalaallit Nunaanni sulisitsisut peqatigiiffiat GE taama oqarpoq.

Kuannersuarmi aatsitassarsiorniarnermi avatangiisinut sunniutissai pillugit missingiutaagallartumik nalunaarusiaq Danmarks Radiomit allagaatinik takunnissinnaanermut qinnuteqarneranit siorna oktoberimi pissarsiarineqarpoq.

Nalunaarusiarli allagaatinik takunnissinnaanermit pissarsiarineqartoq sapaatit akunneri marluk qaangiummata utertinneqarpoq.  

Nalunaarusiatut missingiut utertinneqassasoq, Avatangiisinullu Aqutsisoqarfik januarip qaammataani aalajangerpoq.

Nalunaarusiami missingiutaagallartoq avatangiisinut illersuiniaqatigiiffinneersut arfinillit tallimanngormat tamanut saqqummiuppaat. 

AAMMA ATUARUK Uranimik suliniutissaq GME-p akueraa - avatangiisinik illersuiniaqatigiit kamapput

Assigiinngitsunik avammut tusarliussineq aningaasaliisartunut suliffeqarfinnullu qulalersitsivoq nunap qanoq ingerlaneranut ajortumik paasineqarsinnaasumik, suliffeqarfiit Kalaallit Nunaanni aningaasaleerusuttut aalajaatsunik atugassaqartitaanissaat pingaaruteqarpoq sulisitsisut peqatigiffianni GE-mi pisortaq Brian Buus taama oqarpoq 

-Taama avammut takutitsinerlunneruvoq, Sulisitsisullu Peqatigiiffiannit arlaleriarlugu oqaatigisarparput tatiginninnermik takutitsisoqartariaqartoq aamma Naalakkersuisugut Kalaallit Nunaannilu aningaasaleerusuttut  akornanni tatiginninnermik pilersitsisoqartariaqartoq, Brian Buus taama oqarpoq. 

Suliamut attuumassuteqartut assigiinngitsut naalakkersuisoqarfiillu akornanni oqaloqatigiittoqartarsimagaluarpata pitsaassagaluarpoq, allagaatinillu takunnissinnaanermit pissarsiarineqartut tamakkiisut siullermik ersarissumik saqqummiunneqarsimassaluarput, Brian Buus oqarpoq. 

Apeqqutinik taama ittunik pingaaruteqartigisunik aalajangertoqarnissaq sioqqullugu oqaloqatigiinnissaq tulluarnerussagaluarpoq.
- Taama pisoqarsimannginnissaa eqqoriaannarsinnaavara, allagaatinik takunnissinnaanermut qinnuteqaatit akuereriarlugit utertinneqarmata, sulisitsisut peqatigiiffianni GE-mi pisortaq,  Brian Buus taama oqarpoq. 

Avatangiisinut sunniutissat pillugit nalilersuinermi nalunaarusiaq pillugu Naalakkersuisut Siulittaasuat Kim Kielsen oqaaseqarusunngilaq. 

Pinngortitamut Avatangiisinillu naalakkersuisoqarfik KNR-imut mail-ikkut allagaqarluni erseqqissaateqarpoq  Aatsitassaqarnermi Avatangiisinut Aqutsisoqarfiup aatsitassanut inatsisinut aalajangersagai malillugit suliarineqartoq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!