VIDEO Naalakkersuisut maligassiuerusupput
- Ikiaroornartumik atuineq akiorniarutsigu, taava aamma uagut qinikkatut siulliusariaqarpugut.
- Akoqassagaluarpat naatsorsuutiginngilara Naalakkersuisut siulittaasuata issiatiinnassagaanga, qunjungulluni KNR-imut oqarpoq.
Taamatullu quisitsisoqarnera Doris Jakobsenip piffissaajaataannginnerarpaa.
- Naamik. Oqareernittut tamanna aalajangiunneqareernikuuvoq naalakkersuisooqatigiit isumaqatigiissutaanni.
- Aamma innuttaasut piumasaqaatigivaat qinikkatik tatigisinnaarusullugit. Aamma isumaqarpunga tamanna piviusunngortittariaqaripput, qinikkatut tatiginassuserput anguniassagutsigu.
Aamma atuaruk Naalakkersuisut hashitorsimanersut paasiniarlugu qoorsiortilersut
Qaangiunnera Nivi Olsenip nuannaarutigaa
2014-imi qineqqusaartoqarmat qinigassanngortittut arlallit quisinneqarnissaminnut piareersimallutik oqaatigaat.
- Soorunami nunap aquttuisut maligassiuisussaavugut innuttaasunut, Nivi Olsen taamani Demokraatit sinnerlugit qineqqusaartoq oqarpoq.
Inatsisartunullu qinigaavoq, ilinniartitaanermullu, kultureqarnermut, ilisimatusarnermut ilageeqarnermullu naalakkersuisutut quisinneqarnini iluarisimaarpaa. Nivi Olsenimi arlaleriarluni aperneqarsimavoq qaqugu quisinneqassanersoq.
- Iluartorujussuuvoq qaangiutsillugu, Nivi Olsen oqarpoq.
Aamma atuaruk Meeqqat Illersuisuat: Ikiaroornartumik atornerluinerup meerartagut aamma eqqortarpai
Quumik misissuineq iluaqutaanavianngitsoq
Hashimit atuisimanermut misissuisoqarnissaa, Inatsisartunut ilaasortat akornanni taperserneqarlunilu akerlerineqarpoq.
Poul Hansen Demokraatineersoq quisinneqarnissaminut piareersimavoq, Partii Naleqqamiilli Hans Enoksen akerliungaatsiarpoq.
- Uanga quiumannginninnut pissutigaara, quigaluaruma sumut iluaqutaassanersoq takusinnaannginnakku, tassa ukiorparujussuarni uanga imigassartunngisaannarpunga, pujortanngisaannarpunga, ikiaruunngisaannarpunga. Ilimaginngilara quinerinnakkut inuit 20-it 30-it ikiaroortarunnaassasut, naamerluinnarluinnaq.
- Akisussaaffik inummiippoq, aalajanngersimasumik Hans Enoksen oqarpoq.
