VIDEO Naalakkersuisut imermik kuuffimmeersumik tunisassiorsinnaaneq ammaakkusukkaat

Imeq kuuffimmit kuutsittagarput avammut tunisassiarineqarsinnaalernissaa Naalakkersuisunit aqqutissiuunneqalerpoq, tamannalu inatsisartunit taperserneqarluarpoq. 

- Imeq Nukissiorfiit imeqarfiinit kuutsiinnarneqartartoq asiutissallugu tulluartuusorinnginnatsigu, imeq avammut tunisassiarineqarsinnaanera Naalakkersuisuniit periarfissaq ammaatilerparput, Inuussutissarsiornermut, Suliffeqarnermut, Niuernermut Nunanullu allanut Naalakkersuisoq, Vittus Qujaukitsoq, KNR-imut oqarpoq. 

Imeq avammut tunisassiarineqarsinnaalernissaanik Naalakkersuisut siunnersuutaat sapaatip akunnerata siuliani Inatsisartuni siullermeerluni ataatsimiissutigineqarmat tigulluarneqarpoq. 

Siunnersuut suli marloriarluni sammineqartussaavoq. 

Qanoruup ilanngutassiaa allaaserisap ataaniittoq takuuk.