Assi: KNR

Naalakkersuisup Nunarput pilerinarnerutilerniaraa

Nunarput aningaasaliisartunit pilerinarnerulissappat pitsanngorsagassat arlaliupput. Múte Bourup Egede pissutsinik pitsaanerulersitsiniarsariniarpoq.

Naalakkersuisut aatsitassarsiornerup aningaasaliiffigisassaqqissunngortinniarnera iluatsinngilaat. Tamanna naliliisarfiup tutsuigisaasup Fraser Institutep nalilersuinerani kingullermi ersippoq.

Tassani 2013-imi arfineq appaattut inissisimasinnarluta 2016-imi inissisimaffiit 55-iannut nakkakattarsimavugut.

AAMMA ATUARUK Aatsitassanut inatsisissamut akerliusut amerliartorput

Tamannalu allanngortinniarlugu nunat allat qanoq sullissisarnersut, Naalakkersuisut  misissoraat, aatsitassarsiornermut naalakkersuisoq, Múte Bourup Egede oqarpoq.

- Qanoruna iliorsimagamik uagutsinninngaanniit immaqa aningaasaliiffigineqarusunnerusarpat. Taamaalilluta unammilleqatigiinnissaannut, unammillernissaannut Nunattalu orniginarnissaanut aamma aaqqissuussinissaq taamak inississinnaavarput, Múte Bourup Egede oqarpoq.

Misissuinermilu sammisassatut immikkortut ima oqaluttarai: 

- Qinnuteqarnermi sulinerup qanoq sukkatigisarneranut misissuivugut. Nunattalu taakkua akornanni qanoq inissisimanera aamma misissorlutigu. Taassuma saniatigut aamma akileraartarnikkut assigiinngitsutigullu inissisimanigut misissuataarlugit aallartisarpugut. Taamaalilluta Nunatta taakkununnga nunanut unammillertigisatsinnut tulluussarluta aammalu immaqa pitsaanerulernissatsinnut anguniagaqarluta inissinnissarput suliariniassagatsigu.

AAMMA ATUARUK Nunatta Danmarkillu aatsitassarsiornissami malittarisassat isumaqatigiinngissutigigaat

Kisianni Nunanit allanit unammikkagarpassuatsinnit ajornerusumik inissisimavugut nunallu pissusaanik immikkut ilisimasalik Ole Christiansen naapertorlugu aaqqitassaqaaluppoq. Minnerunngitsumik Royaltymik akileraarut, attaveqatigiinnermit atortulersuutit, naalakkersuinikkullu pataajaatsuunnginneq unammillernartuupput.

- Nunatta ajornartorsiutai arlallit uani nuisineqarput, Ole Christiansen oqarpoq.

AAMMA ATUARUK Nunarput aatsitassarsiorfissatut pilerigineqarnernerit appariartortoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!