Naalakkersuisoqatigiinni ataqqeqatigiinneq

novembarip 19-at 2004 13:07

Siumut sinnerlugu Inatsisartuni naalakkersuisunilu ukiut tallimat qaangiupput ilaasortaasimasup Mikael Petersenip, naalakkersuisuunerminit tunuartitareerluni, Aningaasaqarnermut ataatsimiititaliami siulittaasunngortinniarneqarneranut Inuit Ataqatigiit akuersiumanngeriarlutik naalakkersuisuni ilaasortaasimasup Simon Olsenip tunuareerluni Aningaasaqarnermut Ataatsimiititaliami siulittaasunngortinneqarnera massakkut akueraat.

Tamanna nalaakkersuisooqatigiit qinigaannut ataqqinninnissamik tunngaveqartoq, Inuit Ataqatigiit  sinnerlugu Aningaasaqarnermut Ataatsimiititaliami ilaasortaq Aqqalukasik Kanuthsen oqarpoq:

- Partiit ataatsimiititalianut inuttalersuinissartik namminneq akisussaaffigaat, tamannalu suleqataasut  ataqqisassaraat. Pereersut uteqqeqinagit, ataqqeqatigiinnissaq pineruarput, suliassat suliassarigatsigit.