Naalakkersuisoqarfimmi ualeq ulappupput
Naalakkersuisut allattoqarfiisa annersaanni init quleriit arfineq-pingajuanni siullermik tunniussisoqarpoq, kingornalu minutsit 20-kkuutaarlugit quleriit tulliini tunniussuisoqartarluni.
Naalakkersuisoqarfitoqqamilu allattoqarfiit marluk kingorna taava tunniunneqarput.
Atassut sinnerlugu naalaakkersuisunut maannamut ilaasortaasimasup Mala Høy Kukop naalakkersuisoqarfini Siumut sinnerlugu naalakkersuisunngortumut Suka K. Frederiksenimut tunniuppaa, taanna Namminersornermut, Pinngortitamut Avatangiisinullu kiisalu Nunaateqarnermut naalakkersuisunngorami.
Siumut sinnerlugu aalisarnermut maannamut naalakkersuisuugallartup Nikolaj Jeremiassenip akisussaaffini Hans Enoksenimut taava tunniuppaa.
Knud Kristiansenip naalakkersuisoqarfini Martha Lund Olsenimut tunniuppaa, Martha Lund Olsen Kommuninut, Nunaqarfinnut, Isorliuneurusunut, Attaveqarnermut Ineqarnermullu naalakkersuisunngorluni.
Taassuma maannamut naalakkersuisoqarfini Sara Olsvigimut taava tunniuppai, Olsvig, Isumaginninnermut, Ilaqutariinnut, Naligiissitaanermut Inatsisinillu atortitsinermut naalakkersuisunngorluni.
Doris Jakobsen Ilinniartitaanermut, Ilisimatusarnermut, Kulturimut, Ilageeqarnermullu naalakkersuisunngorpoq, maannamullu naalakkersuisoqarfini Agathe Fontainimut tunniullugu. Taanna Peqqinnissamut aammalu Nunanut Avannarlernut naalakkersuisutut ivertinneqarpoq.
Randi Vestergaard Evaldsenip naalakkersuisoqarfini taava Muté Bourup Egedemut tassuugu tunniutissavaa, Muté Bourup Egede Aatsitassanut naalakkersuisunngussalluni.
Taamaalereerpat Naalakkersuisoqarfitoqqamut nuuttoqassaaq, Aqqaluaq B. Egedep, Aningaasaqarnermut Akileraartarnermullu naalakkersuisoqarfik akisussaaffigilissammagu.
Taava ulloq pisoqarfioqisoq naggaserlugu Nivi Olsenip Doris Jakobsen Ilinniartitaanermut, Kulturerqarnermut, Ilisimatusarnermut Ilageeqarnermullu naalakkersuisutut taava tikilluaqqussavaa.
Aamma atuaruk Naalakkersuisooqatigiinnissamik isumaqatigiissut nutaaq atuaruk
Aamma atuaruk Siumut, Inuit Ataqatigiit aamma Partii Naleraq naalakkersuisooqatigiilersut
Aamma atuaruk Naalakkersuisooqatigiilersut tusagassiortunik katersortitsinerat takoqqiguk
Aamma atuaruk Atassut Demokraatillu: Siumut ilumini ajornartorsiuteqarpoq
