Naalakkersuisoqatigiilersut Qulaarpaami sammineqassapput
Isumaqatigiissutip siulequtaani partiit isumaqatigiissutitik oqaluttuaraat. Assersuutigalugu assortuussutaasut kiffartuussinissamik isumaqatigiissutit, tassani ajorteriartoqannginnissaa isumaqatigiissutigalugu, taakkulu aallaavigalugit kommuninut naammagisinnaasaannik isumaqatigiissuteqarluni.
Aamma atuaruk GE Naalakkersuisooqatigiinnissamut isumaqatigiissut neriorsuutinik ulikkaartoq
Ilanngussat
Siumup, Atassutip Demokraatillu naalakkersuisooqatigiinnissamik isumaqatigiissutaannut ilanngussat:
Naalakkersuisooqatigiinnissamik isumaqatigiissummi nutaami Siumup, Atassutip Demokraatillu isumaqatigiissutaanni immikkoortut 213-it taamaaginnarput.
Partiit inatsimmut tunngaviusumut nutaamut siunnersuummik qinigaaffiup matuma naannginnerani saqqummiussiniarput.
Partiit isumaqatigiissutigaat angallassinikkut kiffartuussinissamik isumaqatigiissutinut tunngatillugu "kommunit iluarisinnaasaannik isumaqatigiissusiortoqassasoq".
Imminut pilersornerup siuarsarnissaanut nuna tamakkerlugu suliniuteqartoqarnissaa aamma eqqaaneqarpoq.
- Tasiilami nunap immikkoortuani ilinniarfimmik pilersitsisoqarsinnaanersoq naalakkersuisooqatigiit misissorniarpaat.
- Imaatigut angallanneq isumannaarniarlugu ikerasalianik assaasoqarluni qaartiterisoqassaaq.
- Isumaginninnerup iluani sullissisut suliaasa amerlassusaannut qummut killiliisoqassaaq.
- Innarluutillit ilinniarnissaannik naalakkersuisooqatigiit neqerooruteqarniarput.
- Meeqqanut inuusuttunullu iliuusissatut pilersaarutinik nuna tamakkerlugu suliaqartoqassaaq
- MIO-mut aningaasat amerlanerusut.
Najoqqutarisaq: Naalakkersuisooqatigiinnissamik isumaqatigiissut 2014-2018 aamma Naalakkersuisooqatigiinnissamik isumaqatigiissut 2016-2018.
Aningaasartuutissat tamakku saniatigut namminersulernissamut suliniutit nukinnguitigineqalerusupput, naalakkersuisoqatigiillu tamatumunnga nutaamik naalakkersuisoqarfiliorsimapput.
Kalaallit Nunaata aningaasaqarnikkut namminersulernissaanut aatsitassarsiorneq ineriartortinneqassaaq, tassanili naalakkersuisoqatigiilerlaat aatsitassarsiorfissani annerpaaq pillugu nalornisitsilerput - tassalu Kuannersuarni. Tassani partiit isumaqatigiipput isumaqatigiinniaratik, ilisimaneqanngilarlu suliniummut tamanna qanoq isumaqarumaarnersoq.
Aamma atuaruk Demokraatit: Saarulliit Inatsisartullu ataatsimiittarfiat suleqatigiikkunaarnermut pissutaaqataapput
Aamma atuaruk Inatsisartut ataatsimiittarfissaat nutaaq ataatsimiititalimi suliarineqassaaq
Partiilli isumaqatigiissutaanni suli allassimasoqarpoq "aningaasanut inatsisissat amigartoorfiunatillu sinneqartoorfiussanngitsut".
Aamma atuaruk Kviesgaard: Isertitaqarnermit aningaasartuuteqarnerussapput
Aamma atuaruk Sulisitsisut: Aatsitassarsiorusussinnaasunut politikkikkut kalerrisaarineq pitsaanngilaq
Aamma atuaruk Aaqqissuisuuneq: Naalakkersuisunngortut urani pillugu aalajangiinissaq kinguartippaat
Oqallittarfik Qulaarpaa sisamanngorpat nal. 20.00 aallakaatinneqassaaq.
Aamma atuaruk Naalakkersuisooqatigiinnissamik isumaqatigiissut nutaaq atuaruk
Makku peerneqarput
Siumup, Atassutip Demokraatillu isumaqatigiissutaannit peerneqartut pingaarnerit.
- Naalakkersuisut inatsisartullu ikiaroornartumik atuisimanerannik misissuinissaq.
- Ingerlatseqatigiiffinnut akileraarut nunani avannarlerni akileraarutaasoq assigissavaa.
- Ingerlatseqatigiiffiit namminersortunngorsarnissaannut iliuusissatut pilersaarut.
- Ingerlatseqatigiiffinnut ukiumi siullermi akileraarfiunngitsumik aaqqissuussineq.
- Kommunit aalisarsinnaanermut akersissutinik tunniussisassapput.
- Nuummiunut napparsimmavik immikkut ittoq imaluunniit Qinngutsinni nakortarfik.
Najoqqutarisaq: Naalakkersuisooqatigiinnissamik isumaqatigiissut 2014-2018 aamma Naalakkersuisooqatigiinnissamik isumaqatigiissut 2016-2018.
