Ritzau Politikki

Naalagaaffiit tamalaat silap pissusia pillugu atsioqatigiipput

Danskit nukissiutinut silallu pissusaanut tunngasunut ministeriat, Lars Christian Lilleholt nunat allat peqatigalugit Parisimi isumaqatigiissut ullumi New Yorkimi atsiussavaa. Atsioqatigiinnermi nunatsinnit peqataasoqassanngilaq.

Allattoq Thomas Munk Veirum, Ritzau

apriilip 22-at 2016 16:00

Nutserisoq Bibi Nathansen

Silap pissusia pillugu Parisimi isumaqatigiissut danskit nukissiutinut silallu pissusaanut tunngasunut ministeriat, Lars Christian Lilleholt nunat allat arlallit peqatigalugit ullumi atsiussavaa.

Naalagaaffiit peqatigiit qullersaat, Ban Ki-moonip nunarsuarmi nunat tamarmik New Yorkimi isumaqatigiissut atsiortinnissaanut aggersarpai.

Maani siullermeerluni silap pissusia pillugu ajornartorsiuteqartoqartoq nunat tamarmik nassuerutigaat tamannalu pillugu pisussaaffeqarnertik aamma nassuerutigalugu.

Aamma atuaruk Vittus: Silap pissusia pillugu isumaqatigiissut Nunatsinnut pitsaasuunngilaq

Nunat 165-inik amerlanerusut New Yorkimi peqataassapput, naalagaaffiillu naalakkersuisullu siuttui 60-it tikinnissartik nalunaarutigisimavaat.

Ban Ki-moon naapertorlugu isumaqatigiissut nunanit 171-init atsiorneqassaaq.

Nunarsuup kissakkiartornera gradinik marlunnik qaangerneqassanngitsoq nunat akornanni isumaqatigiissutaavoq, iliuusissatulli isumaqatigiissutit naammanngitsut Lilleholtip nassuerutigaa.

Atsioqatigiinneq nunatsinnit peqataaffigineqassanngilaq.