Naalagaaffeqatigiit peqqumaasivitoqqami ataatsimiissapput
Naalakkersuisut siulittaasuat Kim Kielsen, statsministeri Lars Løkke Rasmussen, Savalimmiullu naalakkersuisuisa siulittaasuat Aksel V. Johannesen ukiumoortumik aqagu ataatsimiilerunik, Savalimmiuni peqqumaasivitoqqat ilaanni ataatsimiissapput, Savalimmiormiut "Hjallur"-imik taasagaanni ataatsimiissallutik.
Allattoq Mads Lynge
juunip 11-at 2018 12:39
Savat neqaat panertitat mikialersullu akornanni ataatsimiissapput, niisarnaallu neqaasa akornanni aamma ataatsimiissagunarlutik.
Peqqumaasivik "Hjallurin", neriniartarfiup Michelinip ulloriaanik tunineqarsimasup Koksip pigivaa, Torshavnip eqqaani tatsip Leynavatnip sineriaani neriniartarfiuteqarluni.
Peqqumaasiviit "hjallur"-imik taaguutillit Savalimmiuni qanga pingaaruteqartorujussuusimapput. Nerisassat panertut mikialersullu taakkunani toqqortaatigineqartarput. Nerisassat tamakku neriniartarfiup Michelinimik ullorialerneqarsimasup Koksip ilaatigut maanna sassaalliutigisarpai.
Unnugu nerersuaqatigiittoqassaaq, Naalagaaffeqatigiillu pisortatigoortumik aqagu ataatimiilissallutik.
