Politikki

Naalagaaffeqatigiinni soraarnerussutisianut malittarisassat pillugit nalunaarusiaq nutaaq

Naalagaaffeqatigiinni soraarnerussutisiat pillugit malittarisassat assigiinngitsut pillugit nalunaarusiaq danskit suliffissaqartitsinermut ministeriannut, Savalimmiuni isumaginninnermut ministerimut Nunatsinnilu isumaginninnermut naalakkersuisumut tunniunneqaqqammerpoq, taakkulu nalunaarusiaq maanna qanimut misissortussanngorpaat.
Assi © : Simon Uldum
Allattoq Simon Uldum -
juulip 01-at 2016 08:50

Nunatsinni, Danmarkimi Savalimmiunilu soraarnerussusiat pillugit inatsisit assigiinngitsuupput, naalagaaffeqatigiillu iluanni nunamut allamut nuunnermi soraarnerussutisiat tunngaviatigut pigiinnarneqarsinnaaneq-ajorput.

Tamanna tunuliaqutaralugu suleqatigiissitanik 2014-imi pilersitsisoqarpoq, Nunatsinni, Savalimmiuni Danmarkimilu soraarnerussutisiat pillugit malittarisassat Naalagaaffeqatigiillu iluanni nuunnermi aporfiusinnaasut misissuiffigineqarlutik.

Danskit suliffissaqartitsinermut ministeriata, Savalimmiuni isumaginninnermut ministerip Nunatsinnilu isumaginninnermut naalakkersuisup suleqatigiissitap nalunaarusiaa pissarsiareqqammerpaat. Aporfiusinnaasut, aaqqiissutissatut periarfissat kingunerluutillu nalunaarusiami allaaserineqarput. Nalunaarusiarlu Naalagaaffeqatigiinni nunani pingasuusuni maanna misissoqqissaarneqartussanngorpoq.

Nalunaarusiaq Naalagaaffeqatigiit iluanni nuttarnermi aporfiunerpaasut aaqqiissuteqarfiginissaannut alloriarnerit siullersaraat. Danskit suliffeqarnermut ministereqarfiat tusagassiorfinnut nalunaaruteqarluni taama allappoq.

Nalunaarusiaq uani atuarneqarsinnaavoq.

Aamma atuaruk

Politikki

Piniartut nalunaaquttap allanngortinnera pillugu isummersortut

Qupanuk Olsen: Nalunaaqutaq ullormut malinnaalerseqqissavarput

Atassut: Naalakkersuisooqatigiit akileraarutinik oqilisaassinerat qineqqusaarutaavoq