Naalagaaffeqatigiinneq pillugu saqqummiilerput
novembarip 29-at 2004 09:35
Naalagaaffeqatigiinneq pillugu Atlantikup Avannaani Suleqatigiit misissuisitaasa atuakkiaat aqagu Nuummi saqqummiunneqassaaq.
Misissuisitaq ukiuni marlunni kingullerni atuakkioqatigiittoq nunani avannarlerni universitetini ilinniartitsisunik inuttaligaavoq, tassanilu ilaatigut nunatsinneersoq, filosofimik ilisimatusarsimasoq Mininnguaq Kleist aamma Københavnip Universititiani professori Ole Espersen kiisalu Gudmundur Alfredsson, Sverigemi Lundip Universitetianeersut ilaapput.
Atuakkiaq tuluttut atilik, ”The Right to National Self- Determination” (nunagisamut tunngasunik nammineq aalajangiinissamut pisinnaatitaaneq) Ilisimatusarfimmi aqagu unnukkut nal. 19.30 saqqummiunneqassaaq.
