Naalagaaffeqatigiinneq pillugu Københavnimi ikumatitalisarlutik ingerlaaqatigiissasut

Naalagaaffeqatigiinneq tapersersorlugu Københavnimi ikumatitalisarlutik jannuaarip aqqaneq aappaani ingerlaaqatigiissapput. Nordatlantens Bryggemi Nunatta Savalimmiullu sinniisuisa ulloq taanna ilasseqatigiiffigisarmassuk taanna toqqarneqarpoq.

Naalagaaffiit oqaasissaqartitamittut naalagaaffinni allani aallartitaat politikerillu Nunatta Savalimmiullu sinniisuisa sisamanngorneq jannuaarip 12-iat ukiumoortumik ukiortaami ilasseqatigiiffigaat. Tamanna pillugu Naalagaaffeqatigiinnermut tapersersuinertik malunnartinniarpaat.

Ingerlaaqatigiinnissamik aaqqissuisut tusagassiutinut marlunngornermi taama allapput.

- Ukiuni hunnorujukkaani ataqatigiinnermut ukiuni kingullerni ilungersuutaavoq. Naalagaaffeqatigiinnermut tassaavoq tamatta – Danmarkimi, Kalaallit Nunaanni Savalimmiunilu innuttaasugut peqataaffigisarput. Nunallu akornanni atassuteqaateqarnerput immikkullu tamatta iluaqutissaqarfigingaagarput nuannaarutigisarpullu atatiinnarusupparput, Jarius Lyberth ingerlaaqatigiinnermik aaqqissuisut sinnerlugit allappoq.

Christiansborg Slotspladsip eqqaaniit Nordatlantens Bryggep tungaanut nalunaaqutaq 13.00-miit ikumatitalisarluni ingerlaaqatigiittoqassaaq.

Naalaagaaffeqatigiinneq danskit, savalimmiormiut kalaallillu nutaarsiassaqartitsiviisa piffissami kingullermi oqallisigingaatsiarpaat. Danmarkip Nunatsinnut Savalimmiunullu anneruniarnera Nunanut allanut Naalakkersuisup Vittus Qujaukitsup ilaatigut isornartorsiorpaa.

 

 

 

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!