NÛK pissartanngorpoq

Sialleqisumi arnat pissartanngorniunnerat naammassineqarpoq arsaaffimmi taseraaqqat arsap ingerlanniarneranut akunnattoortitseqattaarlutik. NÛK Nuummeersoq arsamik atugassat pitsaavallaanngikkaluartut aqutsilluarneruvoq unamminermilu 3-1-mik ajugaalluni.

Sekundit 20-it ingerlariiginnartut I-69 1-0-mut siuaraluarpoq. NÛK-li arsaannermi aqutsinerujartorpoq taamalu muminnermi 2-1-mik siuaqqalluni taannalu mumereernermi annertusiallappaat unammineq naammassimmat 3-1-mik ajugaallutik.

Disko 76 Qeqertarsuarmeersoq arnat bronzennanniunnerani KB-84-mut Kangaatsiameersumut 6-1-mik ajugaavoq.

B-67 pissartanngorpoq
Angutit inuusuttut pissartanngorniunnerat Aasianni aamma naammassivoq tassanilu B-67 Nuummersoq pissartanngorpoq Kingmed 45 Upernavimmeersoq 2-0-mik ajugaaffigalugu.

Bronzennanniunnermi Nagdlúnguak Ilulissaneersoq ajugaavoq T-41 Aasianneersoq 3-0-mik ajugaaffigalugu.

Arnani angusat:
Disko 76 – KB-84 6-1 bronzennanniunneq
NÛK – I-69 3-1 finale

U-18-ni angusat
Nagdlúnguak – T-41 3-0 bronzennanniunneq
B-67 – Kingmek 45 2-0 finale