MSC-mik meqqillit pisiariumaneqarnerussapput
Tassa MSC-mik meqqilinnik tuniniaasut akornanniilernermi, iluaqutaasussat, sinerissap avataani qaleralinniarnermi , Lisbeth Due Schönemann-Paul, Royal Greenlandimi suliffeqarfissuarmi avatangiisilerinermi ingerlatsisoq taama oqarpoq
Kalaallit Nunaata sineriaata avataani qalerallit pisat meqqilersinnaanngornissaannik sulissuteqarnitta piviusunngornera tulluusimaartigeqaarput.
Aalisakkat nungusaataanngitsumik aalisarneqartut MSC meqqilerneqartarput. Tassalu aalisakkat uumasulluunniit allat nungutaanissaminnut ulorianartorsiortinneqanngitsut.
AAMMA ATUARUK Ulloq kalaallit qaleralinniartarnerannut pingaaruteqartoq
Taamaattumik qaleralinniarnerup ilaa nungusaataanngitsutut taaneqarnera ajungitsuuvoq, Lisbeth Schönemann-Paul oqarpoq.
- Tamannalu pusiniarfissuit pisiniartartuisa qaleralinnut tunngatillugu piumasaqaataannut naammassinninniaraanni pingaarpoq, Lisbeth Schönemann-Paul oqarpoq.
Aalisakkat MSC-mik meqqeqartut pingaartumik Europami pisiariumaneqartorujussuupput, taamaattumillu qalerallit nunarsuarmi tamarmi tuniniarneqarnissaannut periarfissaqalissasoq Lisbeth Schönemann-Paul oqarpoq.
Nunat allamiut MSC-qarnissamik piumasaqarput
- Tysklandimi, Sverigemi aamma Frankrigimi pisisartoqarpugut nioqqutissat MSC-mik meqqilerneqarsimanngitsunik piserusunneq ajortunik. Taamaattumik maanna niuerniarniarnitsinni periarfissanik nutaanik aammavoq.
Aalisakkanik nungusaataanngitsumik aalisarneqartunik piserususseqarneq annikillinavianngilaq.
MSC-mik meqqillit kisimik
Pisiniarfissuarpassuit MSC-mik meqqiliinnarnik ukiualuit qangiunneranni pisiortulissallutik aalajangersaasimasut takusarparput. Tamatmanilu malinnaasariaqarpugut, Lisbeth Schönemann-Paul oqarpoq.
Qalerallit sinerissap avataani aalisarneqartut kisimik MSC-mik meqqilerneqassappput kingusinnerusukkullu t sinerissap qanittuani aalisarneqartut MSC-mik meqqilerneqassasut, Lisbeth Schönemann-Paul oqarpoq
Saarulliit MSC-mik meqqilerneqarnissaannut siunissami misisuinissamut periarfissaqartoq Lisbeth Schönemann-Paulip oqaatigaa.
