Mount Everestimi kalaaleq siulleq

Nunarsuarmi qaqqat portunersaat Mount Everest, siullerpaamik kalaallimik ippassaq qaqineqarpoq.

Qasigiannguarmiu Nick Nielsen Mount Everstip qaavani anorersuarnissaa ilimasaarutigineqarmat Mount Everestip qaqinissaanik uniinnarsimagaluartoq piffissaq kingulleq atorlugu ippassaq aalajangiinnarsimavoq qaqqarsuaq qaqiniarlugu.

- Nick-i sianermat Mount Everesti qaqiniaannalerlugu, taamaaliorniarneralu ataataanut nipaarsaarutissaginga, ulloq naallugu ernumallunga qiavunga, Nick Nielsen-ip arnaa Karen Marie Sandgreen raatiuaviisimut oqaluttuarpoq nangillunilu;- Ippassaq unnukkut Nick-i sianermat, oqarlunilu Mount Everest qaqereersimallugu, tulluusimaarutigalugulu tuallaqaanga, Karen Marie Sandgreen oqarpoq.

Sapaatip akunnera kingulleq Nick nielsen-ip Mount Everestimut qaqiniarnini unitsiinaraluarpaa, ingiaqataalu Canadaminngaanneersoq qaqqarsuarmik qaqisiniarluni ingerlaqqissimasoq isikkaminik qerussortitsisimavoq.

Mount Everesti 8850 miiterinik portussuseqarpoq, qaqineqartartunilu ulorianarnerpaatut naatsorsuunneqartarluni. 1996-mi Mount Everestimik qaqisiniani ukiumut 98-iusuni 15-it ajunaarsimapput.