Ilitsoqqussaralugu oqaatsinik atuartitsineq misissorneqalersoq
Inuit Ataqatigiinneersup Peter Olsenip taama siunnersuuteqarnermini inuusuttut amerlavallaartut meeqqat atuarfianni naammassereernerminni unittoortarnerat ukkataritinniarpaa.
- Iliuuseqarnata ajornartorsiutit takunngitsuusaaginnarsinnaanngilarput. Iliuuseqartariaqarpugut, Peter Olsen siunnersuuteqarnermini tunngavilersuuteqarluni allappoq.
Islandi misilittagaqarluartoq
Taamaammat atuartut atuagarsornermi piginnaasaasa pitsanngorsarnissaanut ilitsoqqussaralugu oqaatsit atorlugit atuartitsisoqartalersinnaanera IA-meersup misissortinniarpaa.
Kommuneqarfik Sermersuumi atuartut nukarliit 1. klassimiit tuluttut atuartinneqartalissapput.
Ukiukitsulli allamiut oqaasiinik atuartinneqartarnerat isumatsialaanngitsoq ilisimatuut misissuineratigut takutinneqarnikuusoq, Peter Olsenip erseqqissarpaa
Islandimiillu ilisimasat innersuussutigai, IA-meersoq naapertorlugu allamiut oqaasiinik atuartitsineq 5. klassemi aallartinneqartarneranut misilittakkat ajunngilluinnartuupput.
Siunnersuut naapertorlugu misissuinerup inerneri ukiup tulliani ukiamut ataatsimiinnissamut piareerneqareersimassapput.
AAMMA ATUARUK Oqaatsinik ilinniarnissaq pingaaruteqarpoq