Mobilepay suli piariinngitsoq

Oqarasuaatit angallattakkat atorlugit akiliissutaasinnaasoq Swipp februaarip 28-ani atorunnaarpat Nunatsinni Savalimmiunilu oqarasuaatitikkut angallattatigut akiliisinnaajunnaarallartoqarsinnaavoq.
Assi © : Danske Bank
Allattoq Jens Thorin
januaarip 23-at 2017 14:51
Nutserisoq Connie Fontain

Danskit nittartakkatigut nutaarsiassaqartitsivia, FinansWatch taama allappoq.

Mobilepay tassaavoq oqarasuaatit angallattakkat atorlugit aningaasanik nassitsissutaasinnaasoq, tassanilu nassitsiviginiakkap oqarasuaataata normui arfineq pingasut ilisimanissaat taamaallaat pisariaqarpoq.

Nunatsinnili Savalimmiunilu oqarasuaatip kisitsisai arfiniliinnaasut Mobilepayimi suli atorneqarsinnaanngillaq.

Kisitsisillu marluk amigaataaneratigut atuisartut oqarasuaatikkut angallattakkakkut nassitsisinnaanermut periarfissaarussutigisinnaavaat. 

- Aporfigisarput paasiniarlugulu ineriartorteqqinnissamut periarfissat paaseqqaartariaqarpagut. Qaqugu piariissanerlugu taamaammat suli oqaatigisinnaanngilarput, Mobilepayimit tusagassiisartoq, Peter Kjærgaard FinansWatchimut oqarpoq.

AAMMA ATUARUK GrønlandsBanken skifter Swipp ud med MobilePay