Mittarfik pillugu piumasaqaat itigartippaa
Siumumi siulittaasortaap, Kim Kielsenip, Hans Enoksenip Qaqortumi mittarfissap kinguartinnissaanut piumasaqaataa itigartippaa.
Allattoq Niels Krogh Søndergaard
oktobarip 20-at 2014 17:26
Nutserisoq Tikaajaat Kristensen
- Piumasaqaatit taamaattut isummerfigissallugit siusippallaarpoq, Kim Kielsen KNR-imut oqarpoq.
- Qineqqusaarnerup naleraa, Partii Naleqqallu Qaqortumi mittarfilioqqusinnginnerat isummerfigerusunngilara.
Partii Naleqqap, qinigaalluartussatut ilimagineqartup, siulittaasua, Hans Enoksenip, ullumi oqaatigaa Siumukkunnik suleqateqassagunik Qaqortumi mittarfiliornissamik takorluuineq unitsinneqassasoq piumasaralugu.
- Qaqortumi mittarfiliortoqassappat sanaartornermut aningaasaliissutinit 400 millionit koruunit atorneqassapput. Aningaasat taakku mittarfiliortoqartinnagu suliffissaaleqinermik ajornartorsiutip aaqqiiviginissaanut, inissaaleqinermullu atorneqassapput, Hans Enoksen oqarpoq.
