MIO-p SMS-ikkut siunnersuisarfia atorluarneqartoq

Meeqqat inuusuttullu MIO-p SMS-ikkut siunersuisarfianut saaffiginnikkaangamik ilaatigut imminut toqukkusunneq ikioroornartumillu ajornartorsiuteqarneq pillugit allaqateqarusuttapput.
Assi © : MIO
Allattoq Mads Pedersen
juulip 19-at 2016 09:23

MIO-p, meeqqat pisinnaatitaaffii pillugit sullissiviusup, ukiumut 2015-imut nalunaarusiaani erserpoq meeqqat inuusuttullu SMS-ikkut siunnersorneqartarfiat 1.207-arluni saaffigineqarsimasoq.

Taakkunannga 520-t niviarsiaraapput, 82-t nukappiaraallutik 605-millu nukappiaraanertik niviarsiaraanertilluunniit nalunaarutigisimanngikkaat. 

Inuttut ajornartorsiuteqarneq, qinngasaarneqarneq, kinguaassiutitigut atornerlugaaneq, imminut toqukkusunneq ikiaroornartumillu atornerluineq SMS-ikkut saffiginnissutaasartut ilagaat. 

Ukioq kingulleq saaffiginninnerit ukiup siulianut sanilliullugit 200-nik amerleriarsimapput. 

Meeqqat inuusuttuaqqallu siunnersortinnissaminnik pisariaqartitsisut 1899-it SMS-erlutik saaffiginnissinnaapput.  

MIO-p nalunaarusiaa allaaserisap ataaniittoq atuarneqarsinnaavoq. 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq