MIO-p perorsaaneq pillugu atuakkiaa ilinniartitsisumit qujarunneqarpoq
Klassemi atuartut ilaat killissamik ilinniartinneqarsimanngikkaangamik atuartitsinermut sunniuteqarnerluttartut, ilinniartitsisup oqaatigaa.
- Sunniuteqartaqaaq. Angumerisassagut immaqa angumerinngitsoortarpagut, piffissamik tigusisaramik; oqaloqatigineqartariaqarlutik, killilerneqartariaqarlutik. Imaasinnaavorluunniit ullaakkut inortuisut unnukkut killilerneqarsiamnngikkunik imaluunniit qasoqqallutik atuarfimmiillutik, piumasaqaatinut naammassinnissinnaanatik, Bikki Rosing Kleemann, ukiuni 25-ni ilinniartitsisuusimasoq oqarpoq.
AAMMA ATUARUK Perorsaanermi killiliisarneq iluaqutaasoq
Atuagaq nuannaarutigaa
Meeqqanik perorsaanermi killiliisarnissamut najoqqutassiaq, MIO-p Royal Arctic Line suleqatigalugu saqqummiussaa, ilinniartitsisup nuannaarutigaa:
- Iluaqutaassasoq neriuppunga assut. Aamma iluaniikkamik meeqqat namminneq oqariartuutaat, pisariaqartitsillutik killilerneqarnissaminnut. Soorlu uani aamma allaqqasoq; killerneqartanngitsut ilungersornerusartut inuunerminni. Killeq pisariaqarpoq, ilinniartitsisoq Bikki Rosing Kleemann KNR-imut oqarpoq.
AAMMA ATUARUK MIO-p perorsaaneq pillugu atuakkiaa RAL-imit aningaasaliiffigineqartoq
Atuagaq akeqanngitsoq kommuninut tamanut tunniussuisussanut, nassiunneqarpoq.