Assi: Siumut Folketingimi

Ministerip 'kalaallimik pisinerarnini' ajuusaarutigaa

Danskit akileeraartarnermut ministeriata Karsten Lauritzenip "kalaallimik pisisimanerarlutik" oqaatseqarsimanini ajuusaarutigilerpaa. Taama oqarpoq folketingimut ilaasortaq Aleqa Hammond eqqartortillugu. Ritzau taama allappoq.

Naalakkersuisut decembarip qeqqani Aleqa Hammond isumaqatigiissuteqarfigaat. Taanna Kalaallit Nunaat pillugu ataatsimiititaliami siulittaasunngortinneqarpoq neriorsuitinneqarluni taasisarnermini naalakkersuisut ikinnerussuteqartinniarnagit.

Maannali tassa akileraatarnermut ministerip Venstrep "kalaallimik pisisimaneranik" oqarsimanini ajuusaarutigilerpaa.

- Soorunami kinaluunniit pisiarineqaranilu tuniniarneqarsimanngilaq. Naalakkersuinikkut pissutsini taamaattoqartaqaaq, oqarsertaliisimanerali taamaattussaanngikkaluarpoq. Narrujuummisitsimaguma ajuusaarutigaara, Karsten Lauritzen allakkatigut oqaaseqaateqarpoq.

Venstret Lemvigimi ukiortaarsiorneranni ministerip taama oqaaseqarsimanera aviisimi ullormut saqqummersartumi Hostebro-Struerimi issuarneqarsimavoq.

AAMMA ATUARUK Kalaallimik pisivugut

Ministerip oqaasia "kalaallimik pisineq" Aleqa Hammondip nuannarinngilluinnarpaa. DR-imi nutaarsiassanut taanna ima oqarpoq:

- Oqarsinnaavunga taama oqaluttarmat. Uagut kalaallit pilluta taama oqaluttarpoq. Tamaattumik pisineq. Danskit oqaasii inunnguuseralugit oqaaserinngikkaluarlugit isumaqarpunga taassumunnga naleqqiullunga danskisut atugartuunerusutut oqalussinnaallunga, qungujulluni oqarpoq.

Akileraartarnermut ministerip oqaasii Aleqa Hammondip naalakkersuisunut neriorsuutaanut kinguneqarnerlunnavianngitsut, taanna DR-imi nutaarsiassanut oqarpoq.

/ritzau/

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!