Assi: Rennet Stowe/Flickr Creative Commons

Ministeri timmisartut sorsuutit pillugit nassuiaateqartusaanngortoq

Danskit illersornissamut ministeriat Claus Hjort Frederiksen (V) Danmarkimi illersornissamut qullersaqarfiup timmisartunik sorsuutinik nutaanik pisiortornissaanut atatillugu ajornartorsiutit arlallit pillugit isumasioqatigiinnermi ullumi nassuiaatinneqassaaq.

Timmisartut pineqartut Nunatta silaannartaani aamma angalasinnaasussaapput.

Timmisartunik sorsuutinik Joint Strike Fighterinik - aamma F35-inik taaneqartartunik - katillugit 27-nik 66 milliardit koruunillu missaannik akeqartussanik pisiortornissaq Folketingimi amerlanerussuteqartunit aalajangerneqarpoq. Taamatut pisiortornissaq danskit naalagaaffianit ataasiartumik pisiarineqartut maannamut akisunersarissavaat.

Piniarneqarnissaalli sioqqullugu isorineqartunik arlalinnik saqqummertoqarpoq.

AAMMA ATUARUK Timmisartut sorsuutit naatsorsuutigisamit ajornerupput

Ilaatigut timmisartut nalunaaquttap akunnerini qanoq amerlatigisuni ingerlaarsinnaanerisa ingasaanneqarsimanera Folketingip Kukkunersiuisuisa nalunaarusiaanni uparuarneqarpoq.

Aamma Folketingip Kukkunersiuisui isumaqarput timmisartut atasinnaassusiat Illersornissamut qullersaqarfimmit ukiunut 30-t missaannut naatsorsorneqartoq ingasaanneqarsimasoq.

AAMMA ATUARUK Sorsuutit pillugit aaliangerneq isorineqartoq

Illersornissamullu qullersaqarfiup timmisartut sorsuutit nipiliortitsisarnerat pillugu paasissutissanik isertuussaqarsimanera sapaatit-akunnerata siuliani aamma saqqummerpoq. Paasissutissani ersersinneqarpoq timmisartut ima nipiliortitsigissasut timmisartoqarfiup Karupip eqqaani najugaqartut nuuttariaqarsinnaassallutik.

Folketingip Kukkunersiuisui naapertorlugit pisiortornissap Folketingimit aalajangiiffigineqannginnerani Illersornissamut qullersaqarfik aalajangiiffigisassatut tunngavissamik nutaamik paasissutissanik nutartikkanik imalinnik saqqummiussissaaq.

AAMMA ATUARUK Illersornissamut ministerip qulimiguullit isornartorniorneqarsimaqisut illersorpai

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!